"El ponte de la Silvia" con Gruppo Teatro Pordenone Luciano Rocco e Compagnia Teatrale Giù Dai Colli APS

Commedia in due tempi di Luciano Rocco

Che un ponte el devènti par un omo, un motivo de odio, de barùfa, de guèra, l’è una roba rara. Tanti ani fa le ferovìe de lo Stato le gh’a fat a Pordenòn una scarpàda che, da la stasìon la riva fin quasi al ponte de la Meduna e sora el gh’a pusà le rotaie e fat còrer el treno… Per far passar le strade i gh’a fat dei sotopassàgi: un de questi sè el ponte de la Silvia, che’l sè diventà, a la fine, el confìn più morale che pratico, de la sente.
De qua e de là del ponte ghe sè do ostarìe: l’Ostarìa al Ponte, quela restàda da la parte de Pordenòn e l’Ostarìa de la Silvia, da la parte de la campagna… El problema el consisteva in tel fato che, quei de qua del ponte i se credeva “più alti”, quasi nobili, e i considerava, quei de là, sente sensa istrusiòn, contadini, no par el mestièr ma par el modo de far. In realtà i gera tuti precisi, parché anca quei de qua del ponte de la Silvia i sofriva, confrontandose con quei del centro. Anca lori i gh’aveva un ponte che i li divideva: quel con le do statue de “Adamo ed Eva” sora el fiume Nonsèl e che ‘l fassèva da ingresso a la cità.
Insoma una storia de ponti che i sé dei muri, ma che sol che dò soveni i li rièsse ad atraversàr.